For the best experience, open
https://m.dinasuvadu.com
on your mobile browser.
Advertisement

சூப்பர்...ஆன்லைனில் ரூ.100 க்கு தங்கம் வாங்கலாம் - நகைக்கடை விற்பனையாளர்களின் புதிய முயற்சி..!

11:07 AM Sep 30, 2021 IST | Edison
சூப்பர்   ஆன்லைனில் ரூ 100 க்கு தங்கம் வாங்கலாம்   நகைக்கடை விற்பனையாளர்களின் புதிய முயற்சி
Advertisement

இந்தியாவில் நகைக்கடை விற்பனையாளர்கள் ஆன்லைனில் குறைந்த பட்சமாக 100 ரூபாய்க்கு தங்கத்தை விற்கத் தொடங்கியுள்ளனர்.

நாடு தழுவிய கொரோனா ஊரடங்குக்கு பிறகு தங்க நகை விற்பனையில் சரிவு ஏற்பட்டது.எனினும்,இது ஆன்லைன் தங்கம் விற்பனைக்கான இந்தியாவின் புதிய சந்தையில் ஒரு புதிய முயற்சிக்கு வழிவகுத்தது.

gold rate

அந்த வகையில்,டாடா குழுமத்தின் தனிஷ்க், கல்யாண் ஜூவல்லர்ஸ் இந்தியா, பிசி ஜுவல்லர் மற்றும் செங்கோ கோல்ட் அண்ட் டயமண்ட்ஸ் போன்ற தங்க நகை விற்பனையாளர்கள் தங்களுடைய அதிகாரப்பூர்வ வலைத்தளங்களில் நேரடியாகவோ அல்லது டிஜிட்டல் தங்க மேடைகளுடன் (digital gold platforms) டை-அப் மூலமாகவோ 100 ரூபாய்க்கு தங்கத்தை விற்பனை செய்வதற்கான சலுகைகளைத் தொடங்கியுள்ளனர்.அதன்படி,தங்கம் வாங்க விரும்பும் நுகர்வோர் குறைந்தபட்சம் 1 கிராம் தங்கத்திற்கு முதலீடு செய்தவுடன் அவர்கள் விரும்பினால் டெலிவரி செய்யப்படும்.

இந்தியாவிற்கு டிஜிட்டல் தங்க விற்பனை புதியதல்ல,ஏனெனில், ஏற்கனவே மொபைல் வாலட்கள் மற்றும் ஆக்மாண்ட் கோல்ட் ஃபார் ஆல் போன்ற தளங்கள்,உலக தங்க கவுன்சில் ஆதரவுடைய சேஃப் கோல்ட் தயாரிப்புகளை வழங்குகின்றன.ஆனால்,நகைக்கடை விற்பனையாளர்கள் மட்டும் இதுவரை தங்கம் போன்ற பொருட்களை ஆன்லைனில் விற்பனை செய்வதிலிருந்து விலகி இருந்தனர்.

இந்த நிலையில்,இந்தியாவில் நகைக்கடை விற்பனையாளர்கள் ஆன்லைனில் குறைந்த பட்சமாக 100 ரூபாய்க்கு தங்கத்தை விற்கத் தொடங்கியுள்ளனர்.

மேலும்,இது தொடர்பாக,4,000 க்கும் மேற்பட்ட நகைக்கடைகளை பங்குதாரர்களாகக் கொண்ட ஆக்மாண்ட் கோல்ட்டின் இயக்குனர் கேதன் கோத்தாரி கூறுகையில்:"கொரோனா, வெளிப்படையாக, நிறைய நகைக்கடைக்காரர்களின் மனநிலையை மாற்றியுள்ளது, மேலும் அவர்கள் ஆன்லைனில் நகைகளை விற்பனை செய்வதில் முனைப்புடன் உள்ளனர். எனவே இது முழு மனநிலையின் அடுத்த கட்ட முயற்சியாகும்",என்று கூறினார்.

தங்கத்தின் தேவை உச்சத்தில் இருக்கும் பண்டிகை காலம் தொடங்கும் போதே நகைக்கடைக்காரர்கள் இந்த சலுகைகளை அறிமுகப்படுத்தியுள்ளனர்.இணையம் வழியாக வாங்குவதற்கு அதிகமான இந்தியர்கள் ஆர்வமாக இருப்பதால் டிஜிட்டல் கொள்முதல் அதிகரித்து வருகிறது.

Tags :
Advertisement